Parlamenti Evropian miratoi projektin për euron digjitale, një monedhë dixhitale e emetuar dhe e mbështetur nga Banka Qendrore Evropiane, që synon të zvogëlojë dominimin e sistemit amerikan të pagesave dhe të forcojë sovranitetin financiar të BE-së. Euroja digjitale do të plotësojë paratë fizike dhe shërbimet bankare ekzistuese, duke ofruar pagesa online dhe offline me një nivel të lartë privatësie, ku përdoruesit nuk do të identifikohen drejtpërdrejt nga BQE-ja. Ky sistem pritet të prezantohet deri në vitin 2029, ndërsa negociatat me shtetet anëtare të BE-së do të fillojnë pas votimit plenar të Parlamentit Evropian në korrik, me qëllim arritjen e një marrëveshjeje përfundimtare brenda vitit. Ndërkohë, Kina dhe Rusia kanë avancuar tashmë me monedhat e tyre digjitale, ndërsa Shtetet e Bashkuara vazhdojnë të debatojnë për një dollar digjital, duke mbështetur aktualisht stablecoin-et private.