Eurodeputeti çek Ondřej Kolář dhe ai austriak Helmut Brandstetter kanë kërkuar pezullimin e negociatave të anëtarësimit të Serbisë në Bashkimin Evropian për shkak të glorifikimit të Ratko Mlladiqit, i dënuar për gjenocid dhe krime lufte. Të dy eurodeputetët kërkojnë që Komisioni Evropian të ndalojë përparimin e Serbisë në procesin e integrimit, përfshirë edhe hyrjen në zonën Schengen, derisa autoritetet serbe të distancohen qartë nga nderimet shtetërore dhe ushtarake ndaj Mlladiqit. Ata theksojnë se glorifikimi i një krimineli të luftës është në kundërshtim me vlerat evropiane dhe rrezikon stabilitetin dhe pajtimin në Ballkanin Perëndimor. Reagimet vijnë pas deklaratave të zyrtarëve serbë, përfshirë presidentin Vuçiq dhe ministrin e Drejtësisë, të cilët kanë mbështetur ceremoninë e varrimit me nderime shtetërore për Mlladiqin.