Eurodeputeti austriak Helmut Brandstätter ka reaguar me ashpërsi ndaj pretendimeve të kryeministrit hungarez Viktor Orbán për një pajisje shpërthyese të gjetur pranë tubacionit të gazit që lidh Serbinë me Hungarinë, duke e quajtur këtë histori si “më idioten”. Dyshimet janë ngritur nga gazetarë investigativë hungarezë, të cilët sugjerojnë se rasti mund të jetë një operacion i inskenuar politik për të justifikuar masa të jashtëzakonshme para zgjedhjeve parlamentare më 12 prill. Mesazhe të brendshme qeveritare të publikuara tregojnë se sulmi ndaj interesave hungareze në Serbi mund të përdoret për të vendosur gjendje të jashtëzakonshme, ndërsa analizat lidhin bashkëpunimin Serbi-Hungari me strategjinë më të gjerë të partisë Fidesz në Ballkan. Marrëdhëniet e ngushta të Beogradit dhe Budapestit me Moskën dhe Pekinin forcojnë aleancën e tyre dhe shërbejnë për zgjerimin e ndikimit rus në Evropë, me qëllimin e mbajtjes së Orbanit në pushtet.