Presidentja e Komisionit Evropian, Ursula von der Leyen, ka bërë me dije se situata e zjarreve në Evropë, përfshirë Shqipërinë, po monitorohet me kujdes të veçantë. BE-ja përdor sistemin satelitor Copernicus për të mbështetur operacionet e hartëzimit në disa vende, duke përfshirë Shqipërinë, Spanjën, Greqinë dhe Gjermaninë. Përmes Qendrës së Emergjencave, Evropa ndjek nga afër zhvillimet e zjarreve në kontinent dhe është në gatishmëri të lartë për të ofruar ndihmë përmes Mekanizmit të Mbrojtjes Civile. Presioni nga vatrat e zjarrit po rritet në disa vende të Ballkanit dhe Evropës Perëndimore, duke theksuar nevojën për solidaritet dhe veprime të koordinuara.