Presidentja e Komisionit të Bashkimit Evropian, Ursula von der Leyen, ka përshëndetur marrëveshjen e arritur midis Shteteve të Bashkuara dhe Iranit, duke theksuar nevojën për zbatim të shpejtë dhe të plotë nga të gjitha palët. Ajo ka nënvizuar rëndësinë e rihapjes së menjëhershme të Ngushticës së Hormuzit, duke e cilësuar lirinë e lundrimit si thelbësore për stabilitetin rajonal dhe ekonominë globale. Von der Leyen ka theksuar gjithashtu nevojën për diversifikim të rrugëve të furnizimit larg Ngushticës dhe ka paralajmëruar diskutime të mëtejshme në samitin e G7 në Francë. Nga ana tjetër, shefja e politikës së jashtme të BE-së, Kaja Kallas, ka njoftuar se ministrat e jashtëm të BE-së do të diskutojnë mënyrat se si organizata mund të përfshihet në fazat e ardhshme të procesit, duke kërkuar respektimin e sovranitetit dhe integritetit territorial të vendeve të rajonit, përfshirë Libanin.