Kreu i partisë opozitare britanike, Nigel Farage, dhe figura të larta të Reform UK janë filmuar fshehurazi duke diskutuar financime të padeklaruara nga jashtë Britanisë, sipas një hetimi të Channel 4 News dhe grupit investigativ Verbatim. Hetimi zbuloi se zyrtarë të Reform UK organizuan që një kompani amerikane të financonte sondazhe politike të paraqitura si kërkime të pavarura, me vlerë totale prej 32,500 funte, pa i deklaruar këto pagesa si donacione te Komisioni Zgjedhor. Gjatë një darke në zonën elektorale të Farage në Clacton, ai e përshkroi sondazhin si “të jashtëzakonshëm” dhe diskutoi një donacion të mundshëm prej 581 mijë eurosh, me plane për të fshehur burimin e vërtetë të parave. Eksperti i ligjit zgjedhor kërkoi nisjen e një hetimi penal, ndërsa Komisioni Zgjedhor i ka referuar çështjen policisë; ndërkohë, Reform UK dhe personat e përfshirë mohojnë akuzat.