Finlanda është shpallur për të nëntin vit radhazi vendi më i lumtur në botë, sipas Raportit Botëror të Lumturisë të publikuar në mars 2026. Vendet nordike dominojnë listën, me Islandën dhe Danimarkën në vendet e dyta dhe të treta, ndërsa Kosta Rika shënon një performancë të lartë duke u renditur e katërta, si vendi më i mirë nga Amerika Latine. Kosova është renditur në vendin e 16-të në nivel global dhe është shteti më i lumtur në Evropën Juglindore, duke lënë pas vende të zhvilluara si Gjermania, Austria dhe Emiratet e Bashkuara Arabe. Raporti përfshin 147 vende dhe vlerëson lumturinë bazuar në faktorë si PBB për frymë, jetëgjatësia, bujaria, liria dhe perceptimet për korrupsionin, ndërsa vendet anglishtfolëse nuk kanë arritur të futen në top 10 për të dytin vit radhazi.