Fondi Monetar Ndërkombëtar ka miratuar një këst të ri financimi prej rreth 690 milionë dollarësh për Ukrainën, duke e çuar mbështetjen totale në 2.2 miliardë dollarë nga një paketë prej 8.1 miliardë dollarësh. Ky fond është pjesë e programit të mbështetjes për ekonominë ukrainase gjatë luftës me Rusinë dhe vjen pas një rishikimi të reformave që Ukraina ka zotuar të zbatojë, përfshirë luftën kundër korrupsionit dhe përmirësimin e politikës monetare. FMN-ja vlerëson se, pavarësisht agresionit të vazhdueshëm rus që nga shkurt 2022, Ukraina ka arritur të ruajë stabilitetin makroekonomik dhe financiar. Drejtoresha menaxhuese e FMN-së, Kristalina Georgieva, ka theksuar qëndrueshmërinë e jashtëzakonshme të Ukrainës dhe ka nënvizuar se ruajtja e stabilitetit ekonomik mbetet prioriteti kryesor në këto rrethana të jashtëzakonshme.