Një fosil i rrallë dinosauri, i cili kishte qëndruar i fshehur për dekada në një sirtar, është identifikuar si mbetja e parë e një dinozauri në Antarktidë. Kocka, pjesë e bishtit të një titanosauri me qafë të gjatë dhe gjatësinë rreth 7 metrash, u gjet gjatë një ekspedite në vitin 1985 në Ishullin James Ross dhe fillimisht u konsiderua si një zvarranik i madh. Pas dekadash, paleontologu Mark Evans dhe ekipi i tij e identifikuan fosilin duke përdorur teknologji të avancuar, duke konfirmuar se i përkiste një dinozauri barngrënës që jetoi rreth 82 milionë vjet më parë. Ky zbulim tregon se Antarktida dikur ishte një mjedis shumë më mikpritës dhe i ndryshëm nga sot, me pyje të dendura dhe klimë të favorshme për jetën e dinozaurëve.