Franca ka shpallur të padëshiruar ministrin izraelit të Policisë, Itamar Ben-Gvir, duke i ndaluar hyrjen në territorin francez. Ky vendim u njoftua nga ministri i Jashtëm francez, Jean-Noel Barrot, dhe është një reagim ndaj zemërimit ndërkombëtar për trajtimin e flotilës aktiviste që po drejtohej drejt Gazës. Ben-Gvir publikoi një video ku tallej me aktivistët humanitarë, të cilët më pas pretenduan se u sulmuan fizikisht gjatë ndalimit, akuza që u mohua nga shërbimi izraelit i burgjeve. Ministri Barrot po bashkëpunon me homologun italian për të kërkuar sanksione të mëtejshme nga Bashkimi Europian ndaj Ben-Gvirit.