Franca ka nisur rekrutimin për një program të ri të shërbimit ushtarak vullnetar, ku rreth 3,000 të rinj pritet të fillojnë shërbimin në vjeshtën e ardhshme. Ky shërbim do të zgjasë 10 muaj dhe do të paguhet me rreth 800 euro në muaj, ndërsa interesimi ka qenë shumë i lartë, me mijëra aplikime brenda një kohe të shkurtër. Autoritetet franceze lidhin këtë rritje interesi me situatën ndërkombëtare, përfshirë luftën në Ukrainë, duke theksuar nevojën për angazhim ushtarak. Qëllimi i Ministrisë së Forcave të Armatosura është që deri në vitin 2030 të arrijnë 10,000 vullnetarë, duke ringjallur pjesërisht frymën e shërbimit ushtarak, rreth 30 vjet pas pezullimit të shërbimit të detyrueshëm.