Rusia ka lëshuar urdhër arresti për gazetarin gjerman Michael Martens, korrespondent i Frankfurter Allgemeine Zeitung, për shkak të një pyetjeje që ai i drejtoi presidentit ukrainas Volodymyr Zelensky gjatë një konference në Beograd. Martens e pyeti Zelenskyn se çfarë mund të bëjnë evropianët për të ndihmuar Ukrainën të “vrasë më shumë rusë”, duke sqaruar se kishte fjalë për ushtarët rusë. Kjo deklaratë shkaktoi reagime të ashpra në Rusi, ku autoritetet hapën një procedurë penale për nxitje urrejtjeje dhe e futën gazetarin në listën e personave të kërkuar. Redaksia e gazetës gjermane distancohet nga formulimi i përdorur, por mbështet gazetarin dhe dënon kërcënimet ndaj tij.