Djali i ish-presidentit amerikan Joe Biden, Hunter Biden, ka bërë të ditur se kanceri i prostatës nga i cili vuan babai i tij është përhapur përtej kockave dhe është shumë i dhimbshëm dhe dobësues. Ish-presidenti 83-vjeçar kishte zbuluar në maj të vitit 2025 se vuante nga një formë agresive e kancerit të prostatës që kishte metastazuar në kocka. Megjithëse një zëdhënës i Bidenit ka refuzuar të komentojë mbi deklaratën e djalit të tij, më parë është bërë e ditur se ai po i nënshtrohej trajtimeve me rrezatim dhe terapi hormonale. Shëndeti i Bidenit ka qenë objekt shqyrtimi gjatë presidencës së tij, ndërsa ai ka marrë pjesë së fundmi në evente publike, përfshirë inaugurimin e bibliotekës presidenciale të Barack Obamas.