Kancelari gjerman Friedrich Merz njoftoi se Gjermania dhe Franca kanë vendosur të ndalojnë projektin e përbashkët për ndërtimin e një avioni luftarak në kuadër të programit FCAS, për shkak të mosarritjes së një marrëveshjeje mes kompanive të përfshira. Pas muajsh përpjekjesh dhe ndërmjetësimi mes palëve, u konstatua se nuk kishte mundësi kompromisi për të vazhduar bashkëpunimin në këtë formë. Megjithatë, Merz theksoi se ky vendim heq një bllokadë të gjatë dhe krijon mundësi të reja për zhvillimin e teknologjive moderne ushtarake përmes rrugëve alternative. Pavarësisht ndalimit të projektit aktual, thelbi i programit FCAS do të vazhdojë si një “Sistem i sistemeve” evropian, ndërsa ministrat e mbrojtjes të Gjermanisë dhe Francës do të paraqesin propozime për riorientimin e projektit para takimit të qeverive në korrik.