Gjermania ka vendosur të mbyllë deri në fund të shtatorit kampin ushtarak pranë aeroportit të Erbilit në veri të Irakut dhe të tërheqë shumicën e trupave të saj nga ky rajon. Ky vendim erdhi pas përkeqësimit të situatës së sigurisë, sidomos pas sulmeve të SHBA-së dhe Izraelit ndaj Iranit, që kanë rritur tensionet në zonë. Edhe pse forcat gjermane nuk ishin objektiv direkt i sulmeve iraniane, afërsia me njësitë amerikane i detyroi ata të qëndronin në bunkerë për siguri. Ministria gjermane e Mbrojtjes theksoi se tërheqja nuk do të jetë e nxituar, por pjesë e një plani të detajuar dhe do të bëhet në koordinim me partnerët ndërkombëtarë, duke lënë një ekip të vogël këshilltarësh ushtarakë në rajon.