Një gjykatë federale në Nju Jork ka rrëzuar politikën e administratës Trump për pezullimin e shqyrtimit dhe lëshimit të vizave për qytetarët e 75 shteteve, mes tyre edhe Kosova. Gjykatësja Jeannette Vargas e konsideroi këtë politikë të kundërligjshme, duke theksuar se sekretari amerikan i Shtetit kishte tejkaluar kompetencat e tij ligjore. Vendimi i administratës, i cili kishte hyrë në fuqi më 21 janar, kërkonte refuzimin automatik të vizave për shtetasit e vendeve në listë, pa marrë parasysh rrethanat individuale të aplikuesve. Gjykata urdhëroi që çdo refuzim i tillë të rishikohet, duke theksuar se vlerësimi duhet të bëhet nga zyrtarët konsullorë për secilin rast veç e veç, ndërsa administrata mund ta apelojë këtë vendim.