Një nga grabitjet më të bujshme të viteve të fundit, vjedhja e bizhuterive me vlerë rreth 100 milionë euro nga muzeu i Luvrit, do të adaptohet në film nga regjisori francez Romain Gavras. Projekti bazohen në librin “Main basse sur le Louvre”, shkruar nga tre gazetarë të njohur francezë, dhe të drejtat e filmit u blenë nga kompania Iconoclast në tetor të vitit të kaluar. Megjithatë, ende nuk janë bërë publike detaje për kastin apo titullin e filmit, ndërsa vetë grabitja mbetet e mbuluar nga misteri, pasi as autorët dhe as bizhuteritë e zhdukura nuk janë identifikuar pas shtatë muajsh hetimesh intensive. Ngjarja ka nxjerrë në pah probleme serioze me sigurinë në muze, duke çuar në zëvendësimin e drejtoreshës së Luvrit, Laurence des Cars, dhe ka krijuar një enigmë që ka tronditur Francën dhe ka ngjallur interes të madh publik dhe mediatik.