Një seri prej shtatë tërmetesh me magnituda deri në 4.8 ballë goditi provincën e Granadës në Spanjë, duke shkaktuar panik dhe dëme materiale në zonë. Tërmeti kryesor u regjistrua në mëngjes me epiqendër në Gojar dhe u pasua nga disa pasgoditje të forta, katër prej të cilave mbi magnitudën 4.0. Si pasojë, autoritetet urdhëruan evakuimin e qendrave tregtare, hoteleve dhe ndërtesave të tjera, përfshirë edhe Alhambrën, ndërsa shërbimet shëndetësore në provincë u pezulluan përkohësisht. Tre persona, përfshirë një të mitur, u plagosën lehtë nga rrëzimi i pjesëve të ndërtesave, ndërsa emergjencat morën qindra telefonata dhe vazhdojnë monitorimin e situatës për shkak të aktivitetit sizmik të vazhdueshëm.