Greqia ka zhvendosur sistemin e saj të mbrojtjes ajrore Patriot nga ishulli Karpathos në ishullin e Kretës, pranë bazës strategjike amerikane në Suda. Kjo zhvendosje vjen në një kohë kur shqetësimet për kërcënimet iraniane ndaj bazave ushtarake amerikane në Evropë janë rritur ndjeshëm. Sistemi Patriot do të forcojë mbrojtjen ajrore të objekteve ushtarake dhe strategjike që përdoren nga Forcat e Armatosura Greke, SHBA dhe NATO në rajon. Ndërkohë, Ministria greke e Mbrojtjes nuk ka komentuar publikisht për këtë lëvizje, ndërsa raportimet e mediave ndërkombëtare theksojnë rrezikun e goditjeve raketore iraniane në Evropë në rast të përshkallëzimit të tensioneve me SHBA-në.