Grupi rus i hakerëve “Fancy Bear”, i lidhur me shërbimin e inteligjencës ushtarake ruse GRU, ka sulmuar Ministrinë e Mbrojtjes së Serbisë, Akademinë Ushtarake dhe Akademinë Mjekësore Ushtarake, duke komprometuar gjashtë llogari emailesh dhe duke marrë qasje në të dhëna të rëndësishme. Sulmi kibernetik është zbuluar nga organizata ndërkombëtare “Ctrl Alt Intel”, e cila ka gjetur prova në serverët e hakerëve dhe ka konstatuar se disa email-e janë konfiguruar për të dërguar automatikisht mesazhe në adresat e sulmuesve, duke lejuar monitorimin e komunikimeve. Ministria e Mbrojtjes së Serbisë nuk ka dhënë përgjigje zyrtare për këto akuzë, ndërsa CERT-i kombëtar mohon njohjen e sulmit. Raporti tregon gjithashtu se “Fancy Bear” ka përdorur teknika të avancuara si “spear phishing” për të hyrë në sistemet e informacionit dhe ka nxjerrë lista kontakti që përfshijnë edhe struktura ushtarake evropiane.