Katër turistë që udhëtuan me një fluturim të kompanisë KLM drejt Romës janë vënë nën monitorim nga autoritetet italiane shëndetësore, pasi në të njëjtin fluturim ndodhej një grua e infektuar me hantavirus, e cila më vonë ndërroi jetë në Johannesburg. Ministria italiane e Shëndetësisë ka aktivizuar procedurat e mbikëqyrjes dhe vlerësimit të rrezikut, duke koordinuar veprimet me rajonet Kalabri, Kampania, Toskana dhe Veneto për ndjekjen e pasagjerëve të tjerë. Një grua në Florence është tashmë në karantinë, ndërsa po priten rezultatet e analizave për praninë e virusit. Autoritetet spanjolle po ndjekin situatën me kujdes, pasi anija ku ndodhen turistët pritet të ndalet në Tenerife, ku pasagjerët spanjollë do të vendosen në karantinë para se të vazhdojnë udhëtimin drejt Holandës.