Një helikopter ushtarak Bell 412 u rrëzua në provincën San Juan të Argjentinës gjatë një stërvitjeje për shuarjen e zjarreve në pyje, duke shkaktuar vdekjen e shtatë personave në bord. Në helikopter ndodheshin drejtues të Policisë, Shërbimit Zjarrfikës dhe Mbrojtjes Civile, përfshirë zëvendësshefin e Policisë Marcelo Videla dhe shefin e Zjarrfikësve Rubén Castro, të cilët humbën jetën në vend. Aksidenti ndodhi pak çaste pas ngritjes së helikopterit në fluturim, në një lartësi prej rreth 4 mijë metrash, ndërsa kushtet atmosferike ishin të favorshme dhe nuk parashikonin rrezik. Autoritetet argjentinase kanë nisur hetimet për të përcaktuar shkaqet e rrëzimit, ndërsa identiteti i tre viktimave të tjera nuk është bërë ende publik.