Prokurorët belgë kanë nisur një hetim lidhur me përfshirjen e qytetarëve të tyre në një fenomen të njohur si “Sarajevo Safari”, ku dyshohet se individë të huaj kanë paguar shuma të mëdha për të qëlluar civilë gjatë rrethimit të Sarajevës në luftën e Bosnjës. Ky hetim vjen pas një çështjeje të hapur në Milano dhe pretendimeve të gazetarit italian Ezio Gavazeni, sipas të cilit qytetarë nga Belgjika, Franca, Gjermania dhe Italia mund të kenë marrë pjesë në këto aktivitete kriminale. Rrethimi i Sarajevës, që zgjati nga prilli 1992 deri në shkurt 1996, solli vdekjen e mbi 11,500 civilëve, përfshirë fëmijë, dhe u karakterizua nga sulme të përditshme snajperësh dhe granatimesh nga forcat serbe. Hetimi belg synon të hedhë dritë mbi rolin e mundshëm të shtetasve të saj në këtë fushatë terrori, e cila është dënuar edhe nga Gjykata Ndërkombëtare për Krimet e Luftës.