Një hetim i FBI-së dhe FMCSA në SHBA ka zbuluar një rrjet kriminal transnacional që operon midis Beogradit dhe Illinois, duke përdorur sektorin e transportit rrugor për pastrim parash. Në qendër të hetimit është kompania Super Ego Holding dhe skema e njohur si “Chameleon Carriers”, e cila përfshin mbylljen dhe rihapjen e kompanive për të shmangur mbikëqyrjen, manipulimin e pajisjeve elektronike të regjistrimit dhe vjedhjen e pagave të shoferëve. Hetimet lidhin këtë rrjet me figura të njohura politike dhe biznesi nga Serbia, përfshirë Andrej Vuçiqin dhe Zvonko Veselinoviqin, si dhe përdorimin e fondeve publike serbe, veçanërisht ato për Kosovën, që dyshohet se mund të jenë devijuar përmes kanaleve joformale. Raporti tregon një ndërthurje të politikës, biznesit dhe krimit të organizuar, duke nxjerrë në pah sfidat që paraqet depërtimi i kapitalit të paligjshëm nga Ballkani në tregjet perëndimore.