Pak ditë para fillimit të Botërorit, Prokuroria e Texasit ka nisur hetime ndaj FIFA-së për shitjen e dyshuar mashtruese të biletave të ndeshjeve që do të zhvillohen në Dallas dhe Houston. Denoncimet tregojnë se disa tifozë kanë paguar për bileta me vende në kategori të larta, por më pas kanë konstatuar se vendet e tyre janë zhvendosur në zona më pak të dëshiruara, duke shkelur ligjet komerciale të Texasit. Ky hetim i Texasit i bashkohet atyre në Kaliforni dhe New York, ku po shqyrtohen praktikat e FIFA-s në lidhje me çmimet e larta dhe mungesën e transparencës në shitjen e biletave. Situata ka shkaktuar kritika të forta nga tifozët dhe autoritetet amerikane, ndërsa çmimet për finalen në New York arrijnë shifra shumë të larta, duke rritur tensionet rreth organizimit të këtij eventi të madh sportiv.