Aktiviteti i vazhdueshëm i vullkanit Etna ka shkaktuar pezullimin e fluturimeve në aeroportin “Fontanarossa” të Katanias, duke bllokuar mbërritjet deri në orën 02:00 të 15 gushtit. Kjo është dita e katërt e ndërprerjes së fluturimeve gjatë kësaj jave, duke detyruar anulime masive dhe ndryshime në itineraret e udhëtarëve. Situata ka rënduar sektorin e turizmit në Siçili, me dëme ekonomike të vlerësuara nga 12.8 deri në 24 milionë euro, ndërsa shumë turistë po kërkojnë alternativa për të arritur destinacionin. Në këtë kontekst, rritja e çmimeve të makinave me qira në aeroport ka ngjallur reagime, duke nxitur Autoritetin Italian të Konkurrencës të hetojë për praktika të dyshimta.