Në Holandë është kryer për herë të parë eutanazia e një fëmije nën 12 vjeç, pas hyrjes në fuqi të një ligji të ri që lejon këtë procedurë për fëmijët me sëmundje të pashërueshme dhe vuajtje të rënda. Rasti, i cili ndodhi në fund të vitit të kaluar, u bë publik përmes një letre të ministres së Shëndetësisë, Sophie Hermans, drejtuar parlamentit holandez. Ligji kërkon që eutanazia të kryhet vetëm me pëlqimin e prindërve dhe në raste vuajtjesh të padurueshme pa shpresë për shërim, ndërsa një komitet i posaçëm monitoron zbatimin e tij dhe ka dërguar gjetjet në prokurori për verifikim ligjor.