Holanda mund të hyjë në dimër me rezerva të pamjaftueshme të gazit natyror në rast se dimri rezulton i ashpër, paralajmëron kompania shtetërore Gasunie. Aktualisht, rezervuarët janë vetëm 44.26% të mbushur, shumë larg objektivit kombëtar prej 80% deri më 1 nëntor, duke rrezikuar furnizimin gjatë muajve të ftohtë. Problemi kryesor është ekonomik, pasi çmimet e gazit për verën janë më të larta se ato për dimrin, gjë që pengon blerjen dhe ruajtjen e gazit për periudhën e dimrit. Për më tepër, faktorë si rritja e çmimeve evropiane, pasiguritë ndërkombëtare dhe kërkesa e lartë për energji gjatë valëve të të nxehtit kanë shtuar presionin mbi sistemin energjetik holandez.