Holandës i janë përhapur zjarre të mëdha në disa terrene ushtarake stërvitore, duke detyruar autoritetet të kërkojnë për herë të parë ndihmë nga jashtë për t’i përballuar flakët. Njësi zjarrfikëse dhe personel nga Franca, Gjermania dhe Belgjika janë dërguar në vend, duke u fokusuar kryesisht në rajonin juglindor pranë Eindhoven dhe në zonën pranë qytetit t’Harde. Shkaku i zjarreve mbetet i paqartë, por dyshohet se stërvitjet ushtarake me eksplozivë, në kushte të thatësirës dhe temperaturave të larta, mund të kenë shkaktuar shpërthimin e tyre. Autoritetet po vazhdojnë hetimet dhe kanë marrë masa shtesë në terrenet e stërvitjes, ndërsa stërvitjet ushtarake nuk do të pezullohen, megjithë rreziqet aktuale.