Presidenti ukrainas Volodymyr Zelensky ka publikuar shifrat e humbjeve në luftën kundër Rusisë, duke deklaruar se rreth 50,000 ushtarë ukrainas janë vrarë dhe 400,000 të tjerë janë plagosur që nga fillimi i konfliktit në shkurt 2022. Ai gjithashtu theksoi se një numër i konsiderueshëm i ushtarëve ukrainas vazhdojnë të jenë të zhdukur, ndërsa betejat e ashpra kanë shkaktuar humbje të mëdha për të dyja palët. Për humbjet ruse, Zelensky njoftoi se numri i përgjithshëm i viktimave dhe të plagosurve arrin rreth 1.6 milionë persona, prej të cilëve rreth 700,000 janë vrarë. Megjithatë, ai nuk dha detaje mbi mënyrën e përllogaritjes së këtyre shifrave, ndërsa të dhënat janë të vështira për t’u verifikuar në mënyrë të pavarur për shkak të informacionit të ndryshëm që publikojnë palët në konflikt.