Kryeministri izraelit Benjamin Netanyahu vizitoi Malin Hermon në territorin e pushtuar sirian, duke deklaruar se Izraeli ka vendosur një “kontroll absolut” mbi zonën dhe nuk do të lejojë praninë e “forcave terroriste” pranë kufijve të tij. Kjo vizitë u dënuar ashpër nga Siria dhe Kuvajti, të cilët e cilësuan si një shkelje flagrante të sovranitetit dhe integritetit territorial sirian, duke paralajmëruar për përshkallëzim të rrezikshëm që kërcënon stabilitetin rajonal. Ministritë e Jashtme të dy vendeve i bënë thirrje Këshillit të Sigurimit të OKB-së dhe komunitetit ndërkombëtar të ndërhyjnë për të ndaluar sulmet dhe inkursionet izraelite në territorin sirian. Nga ana tjetër, ministri i Mbrojtjes izraelit, Israel Katz, theksoi se Izraeli synon të qëndrojë në Malin Hermon dhe nuk do të tërhiqet nga ky pozicion strategjik.