Një 21-vjeçar, Aaron Levi Cantillo Vargas, u nxor i gjallë pas 106 orësh të bllokuar nën rrënojat në qytetin Caraballeda të Venezuelës, falë një operacioni shpëtimi të koordinuar nga ekipe nga Venezuela, Meksika dhe El Salvadori. Operacioni, që zgjati 43 orë, u komplikuar nga prania e trupit të pajetë të një personi tjetër mes Aaronit dhe ekipit të shpëtimit, duke e bërë nxjerrjen më të vështirë. Aktualisht, Aaron po merr trajtim të specializuar mjekësor, ndërsa ekipet e shpëtimit vazhdojnë punën me shpresën për të shpëtuar edhe persona të tjerë. Presidenti i El Salvadorit, Nayib Bukele, dhe ushtruesja e detyrës së presidentes së Venezuelës, Delcy Rodriguez, kanë njoftuar për suksesin e këtij operacioni dhe për angazhimin e mëtejshëm në kërkim-shpëtim.