Autoritetet iraniane kanë kryer një valë arrestimesh kundër personave të dyshuar për spiunazh dhe transmetim informacioni ndaj SHBA-së dhe Izraelit. Në fillim u raportua për 18 persona të arrestuar që dyshohet se dërgonin imazhe dhe pozicione të forcave të emergjencës dhe pikave të kontrollit. Më pas u bë e ditur se numri i arrestimeve ka shkuar në 500, sipas shefit të policisë iraniane, ku rreth gjysma e tyre lidhen me raste serioze si dërgimi i informacioneve për goditjet e objektivave ushtarake. Arrestimet janë kryer në rajone të ndryshme të vendit, përfshirë veriperëndimin dhe verilindjen, ku disa të dyshuar akuzohen për mbledhje dhe dërgim informacioni mbi vende të ndjeshme ushtarake dhe të sigurisë.