Irani ka paralajmëruar dy vende europiane, përfshirë një në Ballkan, që të mos lejojnë Shtetet e Bashkuara të përdorin bazat e tyre ushtarake për operacione kundër Republikës Islamike. Ministri i Jashtëm iranian, Abbas Araghchi, theksoi se çdo përdorim i tillë do të konsiderohej pjesëmarrje në një akt agresioni dhe do të ketë pasoja. Në një bisedë me ministren e Jashtme të Bullgarisë, Araghchi kërkoi rishqyrtimin e vendimit për lejen e përdorimit të një baze ajrore nga SHBA në këtë vend ballkanik. Ndërkohë, ministri i Jashtëm i Qipros siguroi se bazat britanike në ishull nuk do të përdoren për sulme ndaj Iranit, ndërsa Teherani paralajmëron se do të mbrojë me forcë interesat e tij kombëtare.