Presidenti iranian Masoud Pezeshkian deklaroi se është koha për të përfunduar luftën disamujore me Shtetet e Bashkuara, duke theksuar se Irani ndodhet në një pozitë të fuqishme dhe me dinjitet. Ai pretendon se e gjithë bota e pranon fitoren e Iranit dhe akuzoi SHBA-në për sulme ndaj shkollave, spitaleve dhe infrastrukturës, duke shkelur rregullat ndërkombëtare. Ndërkohë, Ministria e Jashtme iraniane e akuzoi Uashingtonin për “terrorizëm ekonomik” dhe paralajmëroi se SHBA-ja po përpiqet të rrisë presionin me sanksione të reja, duke kërkuar mbështetje edhe nga Kina dhe vende të tjera. Megjithatë, në sfond, forcat iraniane paralajmërojnë se çdo kërcënim i ri do të marrë një përgjigje shkatërruese, duke treguar se tensionet mbeten të larta pavarësisht thirrjes për përfundim të konfliktit.