Zëdhënësi i Ministrisë së Jashtme iraniane, Esmaeil Baghaei, mohoi kategorikisht zhvillimin e negociatave me Shtetet e Bashkuara, duke hedhur poshtë pretendimet e presidentit Donald Trump për përparim të rëndësishëm në bisedime mes dy vendeve. Ai theksoi se Irani ka marrë vetëm mesazhe përmes vendeve mike që kërkojnë negociata për t’i dhënë fund luftës, por përgjigjet e Teheranit kanë qenë paralajmëruese për pasoja të rënda në rast sulmesh ndaj infrastrukturës kritike iraniane.