Pas vrasjes së liderit suprem iranian Ajatollah Ali Khamenei, tensionet ndërkombëtare janë rritur ndjeshëm. Gazeta iraniane Hamshari ka publikuar një “listë të zezë” me 13 liderë dhe zyrtarë të lartë, të cilët i konsideron përgjegjës për vdekjen e tij, duke përfshirë presidentin amerikan Donald Trump dhe kryeministrin izraelit Benjamin Netanyahu. Në fotografitë e tyre shfaqen uniformat portokalli të të burgosurve amerikanë dhe një paralajmërim të fortë për hakmarrje të pashmangshme, duke theksuar se “kriminelët do ta marrin me vete në varr dëshirën për një vdekje paqësore”. Ky publikim erdhi në të njëjtën ditë kur lideri i ri suprem iranian Mojtaba Khamenei bëri thirrje për hakmarrje, duke theksuar përshkallëzimin e retorikës mes Iranit dhe vendeve perëndimore, ndërsa deri tani nuk ka pasur reagime zyrtare nga liderët e përfshirë në listë.