Italia ka kërkuar të paktën 300 mijë euro dëmshpërblim për dëmet e shkaktuara nga zjarri tragjik i 1 janarit në Crans-Montana, ku humbën jetën gjashtë shtetas italianë dhe u plagosën rëndë 14 të tjerë. Republika Italiane ka paraqitur kërkesën për t’u bërë palë paditëse në procedurat penale, duke kërkuar akses në dosje dhe mundësi për të ndikuar në hetim, por statusi i saj ende nuk është vendosur nga prokuroria kantonale. Dëmet financiare përfshijnë shpenzimet për mbështetjen psikologjike, transportin e të plagosurve dhe riatdhesimin e viktimave, me shuma që pritet të rriten pasi përfshijnë edhe trajtimin shëndetësor dhe shpenzime të tjera institucionale. Nëse fajtorët rezultojnë punonjës shtetërorë, përgjegjësia financiare mund të kalojë mbi shtetin apo komunën e Crans-Montana, ndërsa më parë kërkesa për statusin e palës paditëse nga komuna është refuzuar.