Italia ka kërkuar zyrtarisht nga Bashkimi Evropian vendosjen e sanksioneve ndaj ministrit izraelit të Sigurisë Kombëtare, Itamar Ben-Gvir, për shkak të veprimeve të tij kundër flotës humanitare në ujërat ndërkombëtare. Ministri italian i Jashtëm, Antonio Tajani, i ka dërguar kërkesën Përfaqësueses së Lartë të BE-së për Politikën e Jashtme dhe Sigurinë, Kaja Kallas, me qëllim që kjo çështje të diskutohet në takimin e ardhshëm të ministrave të jashtëm të BE-së. Italia thekson se ndalimi dhe trajtimi poshtërues i aktivistëve, që përfshin edhe ngacmime, përbën shkelje të të drejtave themelore të njeriut dhe kërkon një përgjigje diplomatike në nivel evropian. Ndërkohë, aktivisti shqiptar Baki Goxhaj është larguar nga Izraeli dhe po udhëton drejt Turqisë, ku do të marrë mbështetje konsullore për t’u kthyer më pas në Shqipëri.