Një projektligj i ri i paraqitur në Parlamentin italian synon të ndalojë përdorimin e karrocave turistike të tërhequra nga kuajt, të njohura si “botticelle”. Iniciativa vjen nga partitë opozitare dhe ka për qëllim heqjen e një neni në ligjin e sigurisë rrugore që aktualisht lejon përdorimin e kafshëve në transportin publik për qëllime turistike, rekreative dhe ceremoniale. Argumentet kryesore përfshijnë kushtet e vështira për kuajt në rrugët e ngarkuara dhe temperaturat ekstreme që ndikojnë në mirëqenien e tyre. Projektligji ka marrë mbështetje nga autoritetet e Romës, të cilët kanë nisur fushatën “Më mirë në këmbë” për të promovuar alternativa ndaj karrocave me kuaj në zonat turistike, duke shpresuar që kjo traditë shumëvjeçare të marrë fund në nivel kombëtar.