Kryeministrja italiane Giorgia Meloni ka deklaruar qartë se Italia nuk është pjesë e luftës në Lindjen e Mesme dhe nuk ka ndërmend të përfshihet në konflikt. Ajo theksoi se prioritet i qeverisë është mbrojtja e qytetarëve italianë dhe shmangia e përshkallëzimit të situatës, duke punuar për uljen e tensioneve dhe rifillimin e dialogut diplomatik mes palëve në konflikt. Meloni njoftoi se ka zhvilluar bisedime me liderë të tjerë evropianë, përfshirë presidentin francez Emmanuel Macron, kancelarin gjerman Friedrich Merz dhe kryeministrin britanik Keir Starmer, për të koordinuar veprimet dhe për të adresuar krizën në mënyrë të përbashkët. Sipas saj, këto vende kanë rënë dakord për nevojën e bashkëpunimit për të shmangur përshkallëzimin e mëtejshëm dhe për të kontribuar në stabilitetin e rajonit.