Italia po përgatit një ndryshim të rëndësishëm në Kodin Rrugor që do të ndëshkojë me 75 euro këmbësorët që përdorin telefonin celular ose pajisje të tjera elektronike gjatë kalimit të rrugës. Kjo masë synon të rrisë sigurinë në rrugë dhe të ulë aksidentet e shkaktuara nga shpërqendrimi i këmbësorëve dhe drejtuesve të mjeteve. Përjashtime do të ketë vetëm në rastet emergjente dhe për përdorimin e pajisjeve “hands-free”. Përveç kësaj, këmbësorët duhet të sigurohen që drejtuesi i automjetit i ka vënë re para se të kalojnë rrugën, ndërsa përdorimi i telefonit gjatë ecjes në trotuar mbetet i lejuar.