Pas më shumë se 30 vitesh, Izraeli dhe Libani zhvilluan një takim historik diplomatike në Uashington, i ndërmjetësuar nga SHBA, me qëllim të fillimit të negociatave për t’i dhënë fund konfliktit të vazhdueshëm mes tyre. Takimi, i cili zgjati rreth dy orë dhe u zhvillua në nivel ambasadorësh, shënon herën e parë që palët ulen për bisedime të drejtpërdrejta që nga viti 1993. Izraeli kërkon çarmatimin e grupeve terroriste jo-shtetërore, duke iu referuar Hezbollahut, ndërsa Libani kërkon armëpushim dhe masa për adresimin e krizës humanitare në vend. Shtetet e Bashkuara e cilësuan këtë ngjarje si një “moment historik” dhe shprehën mbështetjen e tyre për vazhdimin e negociatave, ndërsa Sekretari i Përgjithshëm i OKB-së kërkoi një ndryshim rrënjësor në marrëdhëniet mes dy vendeve për të siguruar stabilitet afatgjatë.