Ministri i Jashtëm izraelit, Gideon Saar, deklaroi se Izraeli nuk synon një luftë të pafundme me Iranin dhe do të bashkëpunojë ngushtë me Shtetet e Bashkuara për të vendosur momentin e duhur për t’i dhënë fund konfliktit. Luftimet, që kanë hyrë në ditën e 11-të, kanë përfshirë sulme iraniane në shtete fqinje si Emiratet e Bashkuara Arabe dhe përballje të Izraelit me Hezbollahun në Liban. Saar theksoi se qëllimi është eliminimi i kërcënimeve ekzistenciale nga Irani për Izraelin, duke synuar shkatërrimin e programeve bërthamore dhe raketore të Teheranit dhe krijimin e kushteve për ndryshime politike në Iran. Ministri i Jashtëm gjerman, Johann Wadephul, i cili vizitoi Izraelin, shprehu besimin se ekziston hapësirë për një zgjidhje diplomatike, megjithëse Irani aktualisht nuk është i gatshëm të pranojë kushtet për kontrollin e programit bërthamor dhe mbështetjes ndaj milicive rajonale.