Kryeministri izraelit Benjamin Netanyahu ka deklaruar se forcat ushtarake izraelite do të qëndrojnë në Gaza, Siri dhe Liban për aq kohë sa do të jetë e nevojshme për të garantuar sigurinë e Izraelit. Ai theksoi se ushtria ka goditur rëndë grupet terroriste të mbështetura nga Irani, duke shkatërruar pjesën më të madhe të arsenalit raketor të Hezbollahut dhe duke goditur anëtarët e Hamasit. Netanyahu përmendi krijimin e zonave të sigurta në këto rajone, të cilat do të mbahen nga forcat izraelite derisa kërcënimet të eliminohen plotësisht. Deklaratat e tij vijnë në një kohë kur tensionet në Lindjen e Mesme mbeten të larta, ndërsa komuniteti ndërkombëtar kërkon uljen e konfliktit dhe zgjidhje diplomatike.