Kryeministri izraelit Benjamin Netanyahu deklaroi se Izraeli do të mbështesë plotësisht planet e presidentit amerikan Donald Trump për të vendosur një bllokadë detare ndaj porteve iraniane. Ky vendim erdhi pas dështimit të bisedimeve maratonë të paqes në Pakistan, ku Irani u akuzua për shkelje të rregullave të negociatave. Netanyahu theksoi se Izraeli është në koordinim të ngushtë me Shtetet e Bashkuara dhe se zëvendëspresidenti amerikan J.D. Vance e informoi për këtë vendim menjëherë pas përfundimit të bisedimeve. Qëndrimi amerikan synon heqjen e të gjithë materialit të pasuruar iranian dhe ndalimin e pasurimit të mëtejshëm të tij.