Ministri i Mbrojtjes i Izraelit, Israel Katz, ka njoftuar se intensiteti i sulmeve të ndërmarra nga forcat izraelite dhe ushtria amerikane ndaj Iranit do të rritet ndjeshëm në ditët në vijim. Ai theksoi se fushata ushtarake po zhvillohet nën drejtimin e presidentit amerikan Donald Trump dhe kryeministrit izraelit Benjamin Netanyahu, duke sinjalizuar një përshkallëzim të mëtejshëm të situatës në rajon. Katz shtoi se Izraeli është i vendosur të vazhdojë ofensivën kundër regjimit iranian, duke synuar likuidimin e komandantëve dhe pengimin e kapaciteteve strategjike të Iranit deri në eliminimin e çdo kërcënimi sigurie. Këto deklarata bien ndesh me fjalët e fundit të Donald Trumpit, i cili ka sugjeruar mundësinë e uljes së përfshirjes së SHBA-së në konflikt me Iranin.