Nga 7 korriku 2026, të gjitha veturat e reja të shitura në Zvicër do të pajisen me kamera që monitorojnë shoferin, pjesë e rregulloreve të reja evropiane për sigurinë rrugore. Sistemet e avancuara do të analizojnë shenjat e lodhjes dhe shpërqendrimit, duke aktivizuar paralajmërime për të parandaluar aksidentet e shkaktuara nga pakujdesia. Përveç kësaj, automjetet do të kenë edhe teknologji të tjera sigurie si frenim automatik dhe regjistrues të të dhënave të aksidenteve. Megjithatë, masa ka ngjallur debate mbi privatësinë, pasi disa kritikë e shohin këtë si një formë mbikëqyrjeje që mund të kufizojë edhe përdorimin e ekranit multimedial gjatë vozitjes.