Katari ka deklaruar se nuk është pjesë e bisedimeve mes Shteteve të Bashkuara dhe Iranit për përfundimin e konfliktit, duke theksuar se fokusi i tij kryesor është mbrojtja e vendit. Zëdhënësi i Ministrisë së Jashtme, Majid Al-Ansari, ka përshkruar situatën e sigurisë në Gjirin Persik si shumë të tensionuar dhe të paqëndrueshme, duke e cilësuar Katarin "në qendër të stuhisë". Ai njoftoi se më shumë se 200 sulme me dronë janë regjistruar ndaj vendit, por mbi 90% janë neutralizuar nga mbrojtja ajrore, ndërsa nuk ka pasur sulme me raketa që nga e enjtja e kaluar. Katari kundërshton çdo sulm ndaj infrastrukturës civile dhe rezervon të drejtën për t’u kundërpërgjigjur, megjithëse ende nuk ka marrë vendim për hakmarrje, ndërkohë që ruan marrëdhënie të ngushta dhe vëllazërore me Iranin për shkak të afërsisë gjeografike.