Katedralja e Këlnit do të fillojë nga 1 korriku të aplikojë një tarifë hyrjeje prej 12 eurosh për turistët, në përpjekje për të mbuluar kostot e mirëmbajtjes së këtij monumenti të njohur gotik dhe trashëgimi botërore të UNESCO-s. Megjithatë, një zonë e vogël do të mbetet falas për besimtarët që vijojnë të frekuentojnë vendin e kultit. Kjo nismë u njoftua për herë të parë në mars dhe është një nga rastet e rralla në Gjermani ku një katedrale katolike vendos tarifë për hyrjen e turistëve. Shuma e vendosur është pak më e lartë se propozimi fillestar prej 10 eurosh, duke reflektuar nevojën për fonde shtesë për mirëmbajtjen e ndërtesës historike.